62. Kuantu piso e bibienda akí tin?

  1. un piso
  2. dos piso
  3. tres piso

Mayoria di e bibiendanan riba nos islanan ta di un piso. Pues, un bibienda ku no ta ariba ku abou ta di un piso. Tin kas di dos òf tres piso tambe.

Loke bo mester anotá ta spesífikamente kuantu piso e bibienda di e unidat doméstiko en kuestion tin. Por sosodé ku un bibienda ta parti di un edifisio di diferente piso. Den un kaso asina, bo tin ku anotá solamente e kantidat di piso ku ta parti di e bibienda di e unidat doméstiko.

63. Ta usa parti di e bibienda pa un di e siguiente metanan? (Por duna mas ku un kontesta.)

(Por duna mas ku un kontesta.)

  1. un tienda
  2. un lugá di trabou (shòp/tayer)
  3. un ofisina/kantor (kantor di number tambe ta konta)
  4. un snèk/bar/restorant
  5. un depósito/magazein
  6. un skol di hunga/krèsh
  7. un kapsalòn/barberia
  8. un otro aktividat……………………………………………
  9. nò, e ta eksklusivamente un kas pa biba aden

Aki bo ta anotá si parti di e bibienda di e unidat doméstiko ta mueblá òf ekipá pa un di e metanan menshoná òf ta ser usá pa un di e metanan ei. Bo tin ku marka na kada un di e posibel kontestanan si tin un parti di e bibiendaku tin e meta ei.Si tin un aktividat ku no ta aparesé den e opshonnan di 1 te ku 7, bo tin ku marka un krus na opshon 8 i yena kiko e otro aktividat ei ta.Si ta pa biba aden so ta usa e bibienda, skohe opshon '9. nò, ta un kas di biba so tin aki'.

64. Kuantu kamber di drumi e bibienda tin?

  1. unu
  2. dos
  3. tres
  4. kuater
  5. sinku
  6. otro ……………………………………………………
  7. no tin kamber di drumi    

Un kamber di drumi ta un espasio (apart) klaramente separá pa hende drumi aden. Un kamber di drumi i studia tambe ta konta komo kamber di drumi. Un sala ku hende ta drumi aden no ta konta komo kamber di drumi. Por ehèmpel, hopi studio no tin kamber di drumi.