Lei di Statistik

  1. Konforme Ordenansa Nashonal di Statistik, un instansia òf persona ta obligá di kooperá ku enkuesta di CBS. Na su turno, CBS tin e obligashon di publiká solamente statistik (esta, dato general) for di kua no por derivá informashon tokante persona individual.
     
  2. Bou di niun sirkunstansia, un kolaboradó di CBS no tin mag di usa informashon di persona individual pa nada otro ku pa produsí dato statístiko. Ku otro palabra, e no tin mag di papia ku otro hende tokante e informashon ni pas’é pa tersero. Komo un kolaboradó temporal di CBS, e disposishon ei di Ordenansa Nashonal di Statistik ta konta pa bo tambe.
     
  3. Nunka no a yega di konstatá violashon di e deber di sekresia, pero den kaso ku esei sosodé, CBS lo hasi denunsia na Ministerio Públiko.
     
  4. Si un hende puntra, bo por menshoná ku, pa lei, tur hende ta obligá di kooperá ku e investigashonnan di CBS i ku tin sanshon den kaso ku no kumpli ku e obligashon ei. Sin embargo, no laga esei zona manera un menasa. Djis splika ku e obligashon ei t’ei pa por garantisá ku CBS por haña mas tantu reakshon posibel, pa asina e resultadonan di e investigashon por ta mas konfiabel.