Propiedat/tipo di propietario

E pregunta akí ta tokante tantu e bibienda komo e tereno ku e bibienda ta ariba. Un miembro di e unidat doméstiko por ta doño (inkluso via 'huurkoop') di e bibienda, òf e por ta fia òf hür e. E tereno ku e bibienda ta ariba por ta sea 'eigendom', 'erfpacht' òf 'huurgrond'.

Ta importante pa, promé ku e entrevista, bo tuma tempu pa wak e posibel kontestanan (i kombinashonnan) bon. Kategoria '5. fiá, sin mester paga nada' ta nifiká ku e unidat doméstiko ta biba 'grátis' den e kas.

E kontesta '7. hür serka un hende (no un negoshi òf instansia), no mueblá' ta konta den kaso ku e preis di hür ta solamente pa hür e espasio kompletamente bashí.

Si e bibienda ta total- òf parsialmente mueblá, òf si awa òf koriente ta inkluí den e preis, skohe e kontesta '8. hür serka un hende (no un negoshi òf instansia), mueblá.'

Si un miembro di e unidat doméstiko ta doño di e bibienda òf ta fi'é (wak opshon 1 te ku 5), bo mester pasa pa pregunta 77. Esei ke men ku bo mester bula pregunta 76.

1. propiedat, riba tereno propio (tereno 'eigendom').
2. propiedat, riba tereno 'erfpacht'
3. propiedat, riba tereno 'huurgrond'
4. propiedat, riba tereno na un otro manera
5. fiá, sin mester paga nada bai pregunta 77
6. ta hür e serka un fundashon (FKP òf otro)
7. ta hür e serka un persona privá, no mueblá
8. ta hür e serka un persona privá, mueblá
9. 77777 otro bai pregunta 77