Struktura di e kuestionario

E kuestionario ta programá di tal manera ku ora e persona enkuestá duna sierto kontesta, despues, tin sierto pregunta ku ta presentá i otro no. Ku otro palabra, e kuestionario por ta diferente pa kada persona. Kaminda bo mira e palabranan “pasa pa pregunta” tras di un kontesta den e manual akí, esei lo sosodé outomátikamente. E por dependé tambe di un kontesta duná mas promé (por ehèmpel, edat). Si no tin nada skirbí tras di un kontesta, e siguiente pregunta lo aparesé. Algun number di pregunta tin un .1 i otro tin un .a. E motibu pa esei tin di aber ku programashon.