Tarea i responsabilidat di entrevistadó i koordinadó

E entrevistadónan mester por usa medio digital/outomatisá (tablet) pa reuní dato, trahando individualmente i/òf den tim. Entrevistadó ta aserká unidat doméstiko personalmente i e mester registrá kontesta di e partisipantenan digitalmente, via e sistema di registrashon di dato ku e lo risibí.

E proseso ku un Entrevistadó mester suigi pa kolektá data ta lo sigiente;

1. Adrès ku tin ku entrevistá
   a. Planifiká ruta i navegá bai e adrès ku ta wòrdu ilustrá riba e mapa digital ku tin tur e adrèsnan ku lo mester bishitá.  Si e entrevistadó no konosé e adrès ku e mester bai i/òf pa gana tempu por hasi uso di sistema di navegashon Googlemaps ku ta instalá riba e tablèt (CBS ta suministrá un tablèt na tur entrevistadó).
   
   b. Kontrolá wak ora yega e punto di destinashon ku e adrès ta kuadra ku esun riba e mapa. Check seguidamente ku tin hende ta biba na e adrès i ken tur mester wòrdu registrá.
   
   c .IMPORTANTE: Si entrevistadó mira un kas den e area ku ta asigná na dje ku no ta den su lista of mapa mester indiká esaki dirèkt na su kordinadó
    
2. Introdukshon
   Entrevistadó ta Introdusi su mes i tambe identifiká su mes ku su badge i ta spliká konsiso e motibu di su bishita. 
    
3. Defini kuantu unidat doméstiko ta den e kas.
   Entrevistadó ta determiná abase di definishon duna durante training kuantu unidat doméstiko ta den un kas. Kada un unidat doméstiko ta yena e enkuesta apart.   
    
4. Start e enkuesta
   Entrevistadó ta entrevista kada un miembro di e unidat doméstiko. Si esaki no ta posibel ta permiti pa un miembro di e unidat ku sa informashon nan nesesario kontesta e pregunta nan pa sobra miembro nan. Entrevistadó ta e uniko persona autorisa pa jena kontesta nan den tablet. 

1. E koordinadónan mester por trein, enkurashá i dirigí e entrevistadó pa logra kumpli ku e meta di entrevistá tur e unidat doméstikonan ku e entrevistadó tin na su enkargo na un manera kompleto i korekto, usando e método stipulá pa aserkamentu. 
    
2. E koordinadónan, kaminda ta nesesario, tin e tarea di traha roster pa e entrevistadó pa por usa e personal disponibel na un manera óptimo den e trabounan
    
3. E koordinadónan mester duna asistensia i konseho, spesífikamente tokante kontenido, trahando den tim i/òf individualmente, relashoná ku sierto kuestion ku presentá trahando den vèlt. Ta trata aki entre otro di asistensia i konseho relashoná ku reunimentu di dato, pero no tokante kuestion relashoná ku IT.
    
4. E koordinadónan mester por usa medio digital/outomatisá pa reuní dato, trahando den tim i/òf individualmente, i traha rapòrt di e progreso diario i di e difikultatnan ku presentá durante di Senso.
    
5. Un koordinadó mester atministrá e lista di produkshon di kada entrevistadó ku ta kai bou di dje. E mester supervisá e proseso di reunimentu di dato pa kada entrevistadó i, si ta nesesario, hala e entrevistadó su atenshon tokante su produkshon den kaso ku esaki ta bou di nivel. Si ta nesesario, e koordinadó ta outorisá pa kita adrès for di un entrevistadó i duna un otro, pa e trabou den vèlt por kana mihó.
    
6. E koordinadónan tin e responsabilidat di hasi palabrashon ku e institutonan kolektivo pa tene entrevista.
    
7. E koordinadónan tin e responsabilidat di kontrolá si e datonan risibí ta kuadra ku e kriterionan ku CBS lo fiha.
    
8. E koordinadónan mester hasi tur otro tarea relashoná ku kumplimentu ku nan enkargo.