Informashon tokante Senso 2023

Senso, esta e konteo di poblashon i bibienda, ta un instrumento estadístiko krusial ku, segun e stipulashonnan di Nashonnan Uní, ta tuma lugá kada dies aña. E propósito di un senso ta pa duna un bista kompletu i detayá di e poblashon i e kondishonnan di bida den un área spesífiko.

Pa e senso di e poblashon di Kòrsou, esaki ta inkluí tur indivíduo ku ta biba riba e isla pa un aña òf mas largu, òf ku tin planeá pa keda mas ku un aña. Durante senso, ta enkuestá e personanan aki riba varios karaktéristikanan, inkluyendo demografia, estado sivil, religión, salú, fertilidat, edukashon, forsa laboral, i entrada. Ademas, un miembro di kada kas ta kontesta preguntanan tokante di e bibienda.

E senso mas resien na Kòrsou a tuma lugá for di 2 di sèptèmber te 20 di òktober 2023. E periodo ofisial aki a wòrdu ekstendé te na fin di febrüari 2024. E konteo di poblashon i bibienda aki a tuma lugá un tiki mas lat ku e interval regular di dies aña. E senso anterior a tuma lugá na 2011. Pero pa motibu di sirkunstanshanan imprevisto, manera e pandemia di COVID-19, e senso ku tabata plania pa 2021 a keda posponé.

Un inovashon signifikante den e senso di 2023 tabata e transishon pa un sistema digital. E enkuesta a tuma lugá uzando tablet, di forma ku preguntanan i respuestanan ta spesífikamente dirigí na kada indivíduo. Esaki a marka un kambio signifikante kompará ku e sensonan anterior, kaminda tabata hasi uzo di pòtlot ku papel.

Den sèptèmber di 2023, aproksimadamente 700 enkuestadó a subi kaya pa kolektá data. Nan a bishitá un total di xxxx punto di bibienda, di kua xxxx tabata kasnan habitá ku a partisipá den e senso. Negoshi, kasnan di vakashon, i kasnan bashí den konstrukshon òf na ruina tambe a wòrdu registrá.

E publikashon aki ta presentá e promé resultadonan di Senso 2023 i ta duna un bista kompletu di e poblashon i e kondishonnan di bida na Kòrsou.

populatio bala