Ofisina Sentral di Statistik (CBS) ta organisá e aña aki un konteo di e poblashon i bibienda total na Kòrsou. E asina yama Senso. Senso 2023 ku lo kuminsa 2 di sèptèmber próksimo.

Durante senso 2023 ta konta tur persona, tur kas di famia i tambe kasnan kolektivo (manera kas di kuido i prizòn) i nan habitantenan na Kòrsou.

Kiko ta un senso?
 

Nashonnan Uní ta definí Senso di e siguiente manera: “e proseso kompleto di kolektá, kompilá, evaluá, analisá i publiká datonan demografiko, ekonomiko, i sosial di tur persona den un pais na un momentu stipulá.” E mes un definishon aki ta valido pa konteo di bibienda. 

Ku ki frekuensia ta tene un senso?

Ta organisá un senso kada 10 aña*

Senso 2023 ta bai bira e di 2 senso ku CBS ta organisá pa Kòrsou. E promé tabata na aña 2011.

CBS a yega di organisá promé ku 10 di òktober 2010, 5 Senso (na aña: 1960,1971,1981,1992 i 2001) mas pero eseinan tabata pa Antia Hulandes.

Tur informashon di e sensonan anteriormente por hañanan aki : http://digitallibrary.cbs.cw/

Ken nos ta konta durante di senso 2023?

  • Tur persona ku ta biba mas largu ku 1 aña
  • Tur persona ku nan momentu di senso ta biba ménos ku 1 aña na Kòrsou, pero ku tin plania pa biba mas largu ku 1 aña
  • Personanan ku ta forma parti di un kas di famia mester yena e formulario di senso
  • Personanan ku ta biba temporalmente na un kas di famia ta ser konta komo ku nan ta biba na den e kas di famia i ta ser konta den senso. 
  • Personanan ku durante di e fecha di senso 2023 (9 di mart 12:00 AM) a fayesé

    Ken nos NO ta konta durante di senso 2023?

    • Turista
    • Personanan ku ta keda ménos ku 1 aña na Kòrsou i no tin plan pa keda mas largu ku un aña
    • Yu di Kòrsou biba den eksterior
    • Militarnan Hulandes ku ta biba ménos ku 1 aña. Mariniernan ku ta keda mas ku 1 aña na Kòrsou si ta wòrdu konta
    • Stazjèrnan ku ta kedando ménos ku un aña na Kòrsou
    • Beibi ku a nase despues di e fecha di senso 2023 (9 di mart 12.00 AM)