Ofisina Sentral di Statistik (CBS) ta organisá otro aña un konteo di e poblashon i bibienda total na Kòrsou. E asina yama Senso. Den e kuadro aki ta organisá entre 11 di novèmber 2021 pa 23  di yanüari binidero un Senso di Prueba. E Senso di Prueba ta bai tèst e organisashon di e Senso di otro aña. 

CBS ta bai organisá senso 2022 kompletamente digital, kompará ku e sensonan anterior. Esaki kiermen ku lo tin kambio organisatorio importante. Pa motibu aki senso di prueba ta di sumo importansia.

Durante e Senso di Prueba lo test e aspektonan di digitalisashon di senso 2022 por ehèmpel:

e lista di pregunta digital;

e proseduranan digital ku lo uso durante e periodo di konteo pa garantisá e kalidat di e datonan kolektá;

e prosesonan digital pa analisá e datonan obtení;

e metòdonan digital ku lo usa pa prosesá datonan i publiká e informashon kolektá.

 

Kon Senso di Prueba ta tuma luga?

Na promé lugá ta bai aserka e respondentenan online. Den e kasonan ei, e intenshon ta pa e kas di famia mes yena e lista di pregunta online.

Na di dos lugá, a opta pa un aserkamentu telefóniko. E entrevistadó ta yama e kas di famia i ta yena e kontestanan e mes den e kuestionario online. 

Na di tres lugá, a opta pa un aserkamentu kara-kara pasivo. Den e kuadro ei, hende por bishitá e sentro di konteo (sentro di bario) durante henter e periodo di trabou den vèlt pa partisipá na e Senso (di Prueba). Lo usa e método di aserkamentu akí pareu (durante e mesun periodo) ku e aserkamentu telefóniko.

Komo último opshon, lo usa un aserkamentu kara-kara aktivo. Den e kaso aki, lo aserká e kas di famia personalmente/na kas pa yena e kuestionario.

Durante henter e periodo di 11 novèmber pa 23 di yanuari, e unidatnan doméstiko selektá por presentá na un sentro di konteo (sentro di bario) pa un di e asistentenan, ku ta bou di supervishon di un koordinadó, yuda nan yena e kuestionario.

Lo usa 3 sentro di bario partí riba e isla. Esaki tin su motibu relashoná ku metodologia i ta kontribuí pa e Senso di Prueba por ta mas representativo. Den e kuadro ei, CBS a skohe 3 sentro di bario pa sirbi komo sentro di konteo:

1.            Sentro di Bario Wishi/Marchena

2.            Sentro di Bario Soto

3.            Sentro di Bario Montaña

Kua ta e tópikonan ku CBS ta hasi pregunta tokante di dje durante di senso di prueba?

Tipo di bibienda

Fasilidat di baño/fasilidat sanitario

Unidat doméstiko (e hendenan di kas)

Energia

Dato demográfiko /Fertilidat

Propiedat/tipo di propietario

 

Salú

Komunikashon/otro fasilidat den e bibienda

Enseñansa

Bestia di kas

Trabou Fuente di entrada

Transporte

Suministro di awa

Molèster den ambiente di biba

Ken nos ta konta durante di Senso di Prueba?

  • Tur persona ku ta biba mas largu ku 1 aña
  • Tur persona ku nan momentu di senso di prueba ta biba ménos ku 1 aña na Kòrsou, pero ku tin plania pa biba mas largu ku 1 aña
  • Personanan ku ta forma parti di un kas di famia mester yena e formulario di senso
  • Personanan ku ta biba temporalmente na un kas di famia ta ser konta komo ku nan ta biba na den e kas di famia i ta ser konta den senso. 
  • Personanan ku durante di e fecha di senso di prueba (11 di novèmber 12:00 AM) a fayesé

 

     

    Ken nos NO ta konta durante di Senso di Prueba?

    • Turista
    • Personanan ku ta keda ménos ku 1 aña na Kòrsou i no tin plan pa keda mas largu ku un aña
    • Yu di Kòrsou biba den eksterior
    • Militarnan Hulandes ku ta biba ménos ku 1 aña. Mariniernan ku ta keda mas ku 1 aña na Kòrsou si ta wòrdu konta
    • Stazjèrnan ku ta kedando ménos ku un aña na Kòrsou
    • Beibi ku a nase despues di e fecha di senso di prueba (11 di novèmber 12.00 AM)

    Kon pa yena e kuestionario online?


    E parti aki ta pa e kas di famianan ku solamente a risibí un karta di CBS pa partsipá na Senso di Prueba.

    • Subi riba e site di senso na https://senso.cbs.cw
       
    • Klek e boton 'Partisipá na Senso di Prueba' (ariba na man drechi riba e paginá inisial di e wèpsait)
       
    • Kòrda pa tin na man bo number di meter di awa i bo email adrès
       
    • Klek riba 'kliente nobo' riba e bon 'registrá
       
    • Bo ta yena bo e-mail adrès i bo number di meter di awa i klek riba 'registra'

    • Bo ta risibí di CBS un email ku ta inkluí bo 'number di senso'.
       
    • Ku e number di senso bo ta drenta den e sistema i bo ta klek riba 'kliente eksistente'. Akinan bo ta usa e 'number di senso'.
       
    • E ta pidí bo na registrá e idioma ku bo ta deseá pa yena e kuestionario
       
    • Bo ta skohe e idioma deseá
       
    • Awor bo por kuminsá yena bo kuestionairo di senso di prueba
       
    • Importante!

      Si dado kaso bo tin ku stòp pa sigui yena e kuestionario mas despues, ora bo drenta bèk bo ta klek riba 'kliente eksistente' i bo ta drenta ku bo number di senso i ta sugui kaminda bo a keda e promé biaha.

    Informashon importante pa tin na man