FAQ

English

Español

Nederlands

Kiko ta un senso?

  Nashonnan Uní ta definí Senso di e siguiente manera: “e proseso kompleto di kolektá, kopilá, evaluá, analisá i publiká       datonan demografiko, ekonomiko, i sosial di tur persona den un pais na un momentu stipulá.” E mesun definishon aki ta valido pa konteo di bibienda. Meskos ku na otro parti di mundu, e dos konteonan aki a tuma lugá na mes momentu na Kòrsou for di aña 1971. 

Ku ki frekuensia ta tene un senso?

Nashonan Uni a stipula pa tur pais tene un senso kada 10 aña

Kua ta e tópikonan ta bai hasi pregunta di dje durante di senso?

Na kua idioma e kuestionario di senso 2023 ta?

E kuestionario ta na 4 idioma: Papiamentu, Ingles, Hulandes i Spaño

E enkuestadó lo puntra na komienso di e entrevista kua ta idioma ta bo preferensia.

Ken ta wòrdu konta na senso?

  • Tur hende ku tin 1 aña òf mas bibá na Kòrsou òf ku tin intenshon di pasa 1 aña òf mas bibando na Kòrsou.
  • E personanan ku ta forma parti permanente di e unidat doméstiko aki (e hendenan di kas) mester yena e formulario di Senso (di prueba)/ ser entrevistá.
  • Si tin hende ku ta bibando temporalmente ku un unidat doméstiko i nan ta ser konsiderá parti di e unidat doméstiko, nan mester partisipá na e Senso (di prueba) den kaso ku nan tin un aña òf mas bibá na Kòrsou òf tin intenshon di pasa 1 aña òf mas bibando na Kòrsou.

Kon mi por ta sigur ku e persona ku a tuma kontakto ku mi ta un enkuestadó di CBS?

Ora un enkuestadó yega na bo kas e mester tin su bèch di identifikashon huntu ku ne. Riba esaki tin su nòmber, su potrèt i firma di direktor di CBS.

Si ainda bo tin duda ku e persona ku a yega na bo kas ta legítimo tin dos manera pa bo por sigurá ku e enkuestadó ta traha pa CBS enberdat;

1. Por skan e qr code riba bèch. Ora bo hasi esaki bo ta bai wepsait unda ta konfirmá ku ta un enkuestadó di CBS

2. Semper bo por yama CBS pa puntra ku si e persona aki (nòmber) ta un enkuestadó di CBS. Por hasi esaki dor di yama 839 2300 òf via WhatsApp number di CBS +59995202227

Kon mi ta sigur ku e datonan ku mi duna CBS ta keda anónimo?

Konforme Ordenansa Nashonal di Statistik, un instansia òf persona ta obligá di kooperá ku investigashon di CBS. Na su turno, CBS tin e obligashon di publiká solamente statistik (esta, dato general) for di kua no por derivá informashon tokante persona individual. 

E artíkulonan for di e Ordenansa Nashonal di Statistik ku ta indiká esaki ta:

Artíkulo 4

1. Tur persona tin deber di suministrá, na un manera kla, kompleto i verídiko, e relato- i informashonnan referí na dje den artíkulo 2 i e akseso na buki, dokumento otro medio di warda informashon referí na dje den artíkulo 3, denter di un plaso ku lo fiha mediante dekreto nashonal ku ta kontené medida general. 1 G.O. 1976, no. 145. - 3 - 19 (T.K.)

2. Esnan ku a base di nan posishon, profeshon òf kargo tin un deber di sekresía por keda ekskusá di suministrá e informe- i informashonnan i di duna akseso, pero solamente te asina leu ku ta trata algu konfiá na nan bou di kondishon di konfidensialidat.

Artíkulo 5

1. Ta e personal referí na dje den artíkulo 2 insiso unu i dos so por prosesá e informe- i informashonnan risibí i e datonan optené konforme artíkulo 2 i 3, pa produsí dato statístiko.

2. Ken ku tin un enkargo a base di e ordenansa nashonal akí ta prohibí di usa e relato- i informashonnan ku e risibí, referí na dje den artíkulo 2, i e datonan ku e optené mediante akseso na buki, dokumento i otro medio di warda informashon, referí na dje den artíkulo 3, di otro manera ku no ta pa e por kumpli ku su tarea.

3. Minister ta publiká e datonan statístiko.

4. Sinembargo, lo no publiká e datonan statístiko di tal forma ku por derivá dato tokante persona individual for di nan direktamente, a ménos ku e persona en kuestion no tin opheshon kontra

Mi ta obligá di partisipá?

Básikamente tur siudadano ta obligá di partisipá na e investigashonnan ku CBS ta realisá.
Ta para de Lei di Stastik artikel 4 ku tur persona ta obligá pa partisipá na enkuestanan di CBS. Esaki ta enserá Senso tambe.

Sinembargo CBS ta haña importante ku e personanan ta koperá boluntariamente, i purba konvensé e siudadano di e importansia pa kada hende koperá dunando informashon di un manera efikas.

Mi tin ku duna mi nòmber di bèrdat?

Ta bon pa indiká ku maske den e kuestionario di Senso 2023 ta puntra pa e nòmber di e personanan ku ta forma parti di e kas di famia, e informashon aki ta wòrdu usa solamente pa por yena e kuestionario na un manera mas fásil. No mester di duna e nòmber kompleto. Por skohe tambe pa duna e nòmber di kariño òf e inisialnan di e persona òf simplemente indiká ku e nòmber di e persona ta por ehèmpel: mama.